(کشمیر ڈیجیٹل)پاکستان کے بائیں ہاتھ کے فاسٹ باؤلر وقاص مقصود نے انٹرنیشنل کرکٹ سے ریٹائرمنٹ کا اعلان کر دیا ہے۔
37 سالہ وقاص مقصود نے نومبر 2018 میں دبئی اسٹیڈیم میں نیوزی لینڈ کے خلاف اپنے واحد ٹی ٹوئنٹی میچ میں پاکستان کی نمائندگی کی تھی۔ اس مختصر اننگز میں انہوں نے 1.5 اوورز میں دو وکٹیں حاصل کر کے فوری اثر ڈالا۔ وہ اس فارمیٹ میں پاکستان کی نمائندگی کرنے والے 80ویں کھلاڑی تھے۔
فیصل آباد سے تعلق رکھنے والے وقاص نے ڈومیسٹک کرکٹ میں بھی بھرپور خدمات انجام دیں۔ 2011 سے 2023 تک وہ 81 فرسٹ کلاس، 56 لسٹ اے اور 68 ٹی ٹوئنٹی میچز کھیل چکے ہیں۔ کرکٹ حلقوں کے مطابق ان کی کارکردگی نے ہمیشہ ٹیم کو سہارا دیا، خاص طور پر ڈومیسٹک سطح پر انہیں ایک قابلِ اعتماد فاسٹ باؤلر کے طور پر یاد رکھا جائے گا۔
یہ بھی پڑھیں: چوکی بازار میں خوفناک حادثہ! ڈمپر دکانوں میں جا گھسا،ایک شخص جاں بحق
