مظفر آباد (کشمیر ڈیجیٹل)آ زاد کشمیر (اے کے)نیشنل بیڈ منٹن چیمپئن شپ مظفرآباد نے باغ کی ٹیم کو شکست دے کر ٹاٹل اپنےنام کر لیا ۔ بیان المرصوص معرکہ حق کی شاندار کامیابی کے بعد اس بار ٹورنامنٹ بھی اسی کے نام سے ہوا ۔
معرکہ حق نے دنیا میں پاکستان اور پاک فوج کی حیران کن کامیابی کو ورطہ حیرت میں ڈال دیا ۔ اس سے قبل یہ اعزاز میرپور کے پاس تھا تاہم اس ٹورنامنٹ میں مظفرآباد کی طرف سے معروف قانون دان سردار معطیب ، عثمان نعیم ، رفیق پر مشتمل ٹیم تھی جنہوں نے باغ کی ٹیم کو شکست د ے کر کامیابی سمیٹی ۔
فائنل کے مہمان خصوصی جی او سی مری ، چیف سیکرٹری آزادکشمیر تھے۔ اس موقع پر سپورٹس بورڈ نے بھرپور تعاون کیا ۔ مظفرآباد یہ ٹائٹل 2017 میں جیتا تھا اب 8 سال بعد دوبارہ سے یہ ٹائٹل سردار معطیب اور ا ن کی ٹیم حاصل کرنے میں کامیاب رہی ۔
مزید یہ بھی پڑھیں:چنار والی بال چیمپئن شپ کے پول میچزدلچسپ مقابلےاختتام پذیر، فائنل آج
یہ ایونٹ آزاد جموں و کشمیر بیڈمنٹن ایسوسی ایشن، محکمہ سپورٹس، یوتھ اینڈ کلچر اور پاک آرمی کے اشتراک سے منعقد کیا گیا ۔ چیمپئن شپ کے دوران آزادکشمیر بھر سے نامور کھلاڑیوں نے ایونٹ میں حصہ لیا ، جنہوں نے بہترین کھیل کا مظاہرہ کرتے ہوئے شائقین کو خوب محظوظ کیا ۔
ٹورنامنٹ کی اختتامی تقریب میں سیکرٹری جنگلات انصر یعقوب ، سیکرٹری سپورٹس محترمہ تہذیب النساء، سیکرٹری مذہبی امور عامر محمود مرزا ، سپیشل سیکرٹری داخلہ و صدر بیڈمنٹن ایسوسی ایشن راجہ طاہر ممتاز ، چیئرمین ٹیوٹا نعیم بسمل ، ڈی جی سپورٹس ، ڈپٹی کمشنر ، سرکاری افسران ، کھیلوں سے وابستہ شخصیات اور شہریوں کی بڑی تعداد نےبھی شرکت کی ۔
