(کشمیر ڈیجیٹل)وفاقی دارالحکومت اسلام آباد، راولپنڈی اور ملک کے دیگر شہروں میں زلزلے کے جھٹکے محسوس کیے گئے، جس کے باعث شہری خوف و ہراس کے باعث گھروں اور عمارتوں سے باہر نکل آئے۔
زلزلہ پیما مرکز کے مطابق زلزلہ صبح 10 بج کر 20 منٹ پر ریکارڈ کیا گیا۔ اسلام آباد، راولپنڈی، پشاور، سوات، چترال، مانسہرہ، ایبٹ آباد، صوابی، مردان، چارسدہ اور ڈیرہ غازی خان سمیت مختلف علاقوں میں جھٹکے محسوس کیے گئے۔
ریکٹر اسکیل پر زلزلے کی شدت 5.2 ریکارڈ کی گئی، گہرائی 190 کلومیٹر جبکہ مرکز افغانستان کا ہندوکش ریجن تھا۔
ابتدائی اطلاعات کے مطابق زلزلے سے کسی قسم کے جانی یا مالی نقصان کی اطلاع موصول نہیں ہوئی۔
یہ بھی پڑھیں: پاکستان بھر میں موسلا دھار بارشیں اور سیلابی صورتحال
