حکومت آزادکشمیر نے ایڈہاک،عارضی اور کنٹریکٹ ملازمین کے عرصہ ملازمت میں 31 مارچ 2025 تک توسیع کردی
محکمہ سروسز اینڈ جنرل ایڈمنسٹریشن سے جاری نوٹیفکیشن کے مطابق توسیع ایسے ملازمین کی مدت ملازمت میں کی گئی ہے جو بوقت ابتدائی تعیناتی/تقرری مروجہ قواعد کے تحت مطلوبہ تعلیمی قابلیت کے حامل تھے
۔4300 سے زائد کنٹریکٹ ،ایڈہاک اور عارضی ملازمین گزشتہ 3سال سے غیر یقینی صورتحال سے دو چار ہیں اور بار بار احتجاج پر مجبور ہیں،حکومت آزادکشمیر ان ملازمین کے مستقبل کا حتمی فیصلہ کرنے کے بجائے ہر تین ماہ بعد 3 ماہ کی توسیع دے کر وقت گزاررہی ہے
یاد رہے کہ مسلم لیگ ن کی حکومت نے اپنے دور میں سروسز ایکٹ کے تحت ملازمین کو مستقل کیا تھا مگر تحریک انصاف نے برسر اقتدار آتے ہی یہ ایکٹ منسوخ کردیا تھا جس پر ملازمین نے ریاست گیر احتجاج کیا اور حکومت نے ملازمین کے مستقبل کا فیصلہ کرنے کیلئے کمیٹی قائم کی لیکن حکومتی ملازمین کو مستقل کرنے کا فیصلہ نہیں کرسکی جس پر 4300 ملازمین کا مستقبل ابھی تک سوالیہ نشان ہے
یہ بھی یاد رہے کہ چند روز قبل ایڈہاک ملازمین نے پھر ریاست گیر احتجاج کی دھمکی دی تھی جس پر حکومت نے ان کو توسیع تو دے پر ملازمین کو رام کرنے کی کوشش کی ہے۔
