مظفرآباد: آزاد کشمیر سمیت پاکستان کے دیگر شہروں میں سونے کی قیمتوں میں مسلسل اضافہ دیکھا جا رہا ہے۔ تازہ ترین نرخوں کے مطابق فی تولہ سونا مزید مہنگا ہو گیا ہے جس نے ایک نئی بلند ترین سطح کو چھو لیا ہے۔
مرکزی صرافہ مارکیٹ مظفرآبادکے اعداد و شمار کے مطابق آج 22 مارچ 2025 کو 24 قیراط فی تولہ سونا 3 لاکھ 15 ہزار روپے میں فروخت ہو رہا ہے جبکہ 10 گرام سونے کی قیمت 2 لاکھ 70 ہزار 60 روپے تک پہنچ چکی ہے۔ 22 قیراط فی تولہ سونا 3 لاکھ 5 ہزار 200 روپے میں دستیاب ہے جبکہ 10 گرام کی قیمت 2 لاکھ 61 ہزار 660 روپے مقرر کی گئی ہے۔
پاکستان کے مختلف شہروں میں سونے کے نرخ مختلف رہےجہاں کراچی، لاہور، اسلام آباد، پشاور، فیصل آباد اور ملتان میں 24 قیراط سونے کی قیمت 3 لاکھ 19 ہزار 350 روپے جبکہ راولپنڈی، کوئٹہ، حیدرآباد، سیالکوٹ، جہلم، چکوال، ڈی جی خان اور مظفرآباد میں 3 لاکھ 19 ہزار 200 روپے ریکارڈ کی گئی۔ دوسری جانب گوجرانوالہ، بہاولپور، بہاولنگر، قصور، اٹک، خانیوال، چنیوٹ، حافظ آباد، سکھر اور گلگت میں 3 لاکھ 19 ہزار 2 سو 50روپے فی تولہ اور جھنگ، سکردو سمیت دیگر شہروں میں 3 لاکھ 19 ہزار 100 روپے فی تولہ رہی۔
دوسری جانب چاندی کی قیمت میں کوئی تبدیلی نہیں دیکھی گئی اور یہ فی تولہ 3 ہزار 200 روپے پر مستحکم ہے۔
بین الاقوامی مارکیٹ میں بھی سونے کی قیمت میں اضافہ دیکھا گیا ہےجہاں 24 قیراط فی اونس سونا 2 ہزار3 سو 36ڈالر میں فروخت ہو رہا ہے۔
