آزاد جموں و کشمیر کے دارالحکومت مظفرآباد میں شہریوں کے لیے ایک بڑی اور جدید سفری سہولت کا آغاز کر دیا گیا ہے۔ وزیراعظم آزاد کشمیر بیرسٹر افتخار علی گیلانی نے مظفرآباد میں جدید گرین بس سروس کا باقاعدہ افتتاح کر دیا ہے، جس کے ساتھ ہی شہر میں پبلک ٹرانسپورٹ کے ایک نئے اور جدید دور کا آغاز ہو گیا ہے۔ اس منصوبے کے باضابطہ آغاز پر شہریوں میں خوشی کی لہر دوڑ گئی ہے۔
محفوظ اور معیاری سفری سہولیات کی فراہمی:
گرین بس سروس کا بنیادی مقصد مظفرآباد کے شہریوں کو محفوظ، آرام دہ، معیاری اور بااعتماد سفری سہولیات فراہم کرنا ہے۔ افتتاح کے موقع پر گفتگو کرتے ہوئے حکام کا کہنا تھا کہ اس اقدام سے شہر کے اندر پبلک ٹرانسپورٹ کے نظام کو مزید بہتر، منظم اور جدید تقاضوں کے مطابق بنانے میں مدد ملے گی۔
یہ بھی پڑھیں: ریاستی رِٹ، معاشی بحالی اورنوجوانوں کا روزگاراولین ترجیح ہے، وزیراعظم آزاد کشمیر افتخار گیلانی
سفری مشکلات میں کمی اور پبلک ٹرانسپورٹ کی بہتری:
گرین بس سروس کے آغاز سے مظفرآباد اور اس کے مضافاتی علاقوں کے شہریوں کو درپیش روزمرہ سفری مشکلات اور ٹرانسپورٹ کے مسائل میں نمایاں کمی آنے کی توقع ہے۔ یہ بس سروس شہریوں کو باقاعدہ اور وقت کی پابند سروس فراہم کرے گی جس سے نہ صرف وقت کی بچت ہوگی بلکہ سفر بھی پہلے سے کہیں زیادہ آسان اور آسودہ ہو جائے گا۔
🚨نو منتخب وزیراعظم بیرسٹر افتخار گیلانی نے گرین بسز کا افتتاح کردیا! pic.twitter.com/0AYOGhXNjS
— Kashmir Digital (@KashmirDigital1) August 29, 2026
عوام اور مقامی تاجروں نے گرین بس سروس کے افتتاح کو وزیراعظم بیرسٹر افتخار علی گیلانی کا انتہائی خوش آئند اور مثبت قدم قرار دیتے ہوئے امید ظاہر کی ہے کہ اس قسم کے شہری سہولیات کے منصوبے دیگر اضلاع میں بھی شروع کیے جائیں گے۔
