مظفرآباد (کشمیر ڈیجیٹل) آزاد جموں و کشمیر قانون ساز اسمبلی کا اہم اجلاس آج دوپہر 2 بجے ہوگا، جس میں نئی حکومت کی تشکیل کے حوالے سے اہم پارلیمانی مراحل مکمل کیے جائیں گے۔
اسپیکر اور ڈپٹی اسپیکر کا انتخاب
اجلاس کے آغاز میں اسپیکر اور ڈپٹی اسپیکر کا انتخاب عمل میں لایا جائے گا۔ اس کے بعد قائد ایوان کے انتخاب کا مرحلہ شروع ہوگا۔
قائد ایوان کے انتخاب کی تیاری مکمل
قائد ایوان سمیت اہم عہدوں کے انتخاب کے لیے اسمبلی کے قواعد معطل کردیئے گئے ہیں، جس کے بعد انتخابی عمل معمول کے طریقہ کار کے بجائے خصوصی طریقہ کار کے تحت مکمل کیا جائے گا۔
نومنتخب ارکان کی حلف برداری
گزشتہ روز کے اجلاس میں نومنتخب ارکان نے حلف اٹھایا، جس کے بعد ایوان کی کارروائی جاری رہی ۔ ارکان کی حلف برداری کے بعد آج کے اجلاس کی اہمیت مزید بڑھ گئی ہے۔
نئی حکومت کی تشکیل کا مرحلہ
آج ہونے والے اجلاس میں آزاد کشمیر میں نئی حکومت کی تشکیل کے حوالے سے اہم آئینی و پارلیمانی مراحل مکمل ہونے کا امکان ہے۔ قائد ایوان کے انتخاب کے بعد حکومت سازی کی سمت مزید واضح ہوجائے گی۔
سیاسی سرگرمیاں عروج پر
اسپیکر، ڈپٹی اسپیکر اور قائد ایوان کے انتخابات کے باعث آزاد کشمیر کی سیاسی سرگرمیاں عروج پر ہیں۔ آج کا اجلاس نئی حکومت کے قیام کے لیے اہم پیش رفت ثابت ہونے کا امکان ہے۔
مزید یہ بھی پڑھیں:توہین عدالت کا جواب وزیر قانون یا وزیر اطلاعات نہیں، وزیر داخلہ دینگے،رانا ثناء اللہ
