مظفرآباد: محکمہ تعلیم آزاد کشمیر میں اساتذہ کی بھرتیوں کے لیے نیا NTS اشتہار جلد جاری ہونے والا ہے۔ ذرائع کے مطابق بھرتیوں کے اس مرحلے میں پرائمری، مڈل اور ہائی اسکولوں کے لیے مختلف تدریسی آسامیوں پر اہل امیدواروں سے درخواستیں طلب کی جائیں گی۔
محکمہ تعلیم کے جاری کردہ نوٹیفکیشن کے مطابق، متعلقہ ادارے نے 2024 کے NTS ٹیسٹ پاس امیدواروں کی فہرست بھی طلب کر لی ہے، جس کے بعد بھرتیوں کا باقاعدہ آغاز کیا جائے گا۔ اساتذہ کی بھرتی کے خواہشمند امیدواروں کو مشورہ دیا گیا ہے کہ وہ جلد از جلد اپنی تیاری مکمل کر لیں۔
مزید تفصیلات اور سرکاری اشتہار کے اجرا کے لیے امیدواروں کو محکمہ تعلیم کی ویب سائٹ اور متعلقہ دفاتر سے رابطہ رکھنے کی ہدایت کی گئی ہے۔
