ہنڈائی پاکستان نے اپنی مشہور سیڈان گاڑی ایلانٹرا 2.0 لمیٹڈ ایڈیشن باضابطہ طور پر متعارف کرا دی۔ یہ نیا ماڈل جدید فیچرز اور دلکش ڈیزائن اپ گریڈز کے ساتھ پیش کیا گیا ہے۔ کمپنی کے مطابق اس گاڑی کی بکنگ ملک بھر میں ہنڈائی ڈیلرشپس پر شروع ہو چکی ہے جبکہ ابتدائی قیمت 68 لاکھ 50 ہزار روپے مقرر کی گئی ہے۔
نئی ایلانٹرا میں 2.0 لیٹر MPi انجن نصب ہے، جب کہ اس میں وائرلیس چارجنگ، سن روف، 16 انچ الائے رمز، ڈوئل زون کلائمیٹ کنٹرول اور 10-وے پاورڈ ڈرائیور سیٹ جیسی سہولیات شامل کی گئی ہیں۔ ڈرائیورز اپنی سہولت کے مطابق چار مختلف ڈرائیونگ موڈز میں سے انتخاب کر سکتے ہیں۔
انٹیریئر کے لیے ہنڈائی نے تین نئے رنگ آپشنز متعارف کرائے ہیں: Imperial Burgundy، Regal Cappuccino اور Nobel Beige، جو گاڑی کے کیبن کو مزید پُرکشش اور نفیس بناتے ہیں۔ لمیٹڈ ایڈیشن میں اسپورٹی ریئر اسپوئلر، بلیک سائیڈ مررز، ڈور وائزز، ٹرنک میٹ اور شارک فن اینٹینا جیسے خصوصی اپ گریڈز بھی شامل کیے گئے ہیں، جو اسے ایک پریمیئم اور اسپورٹی لک فراہم کرتے ہیں۔
یہ بھی پڑھیں: زوبیہ خورشید راجہ لاک ڈاؤن میں بہادری اور حوصلے کی مثال بن گئیں
کمپنی کے مطابق، ایلانٹرا 2.0 لمیٹڈ ایڈیشن ہنڈائی کی اس پالیسی کا حصہ ہے جس کے تحت صارفین کو جدید فیچرز، اعلیٰ کارکردگی اور دلکش اسٹائلنگ کے امتزاج کے ساتھ پاکستان کی سیڈان مارکیٹ میں بہتر انتخاب فراہم کیا جا رہا ہے۔
