کولمبو( کشمیر ڈیجیٹل) آئی سی سی ویمنز کرکٹ ورلڈ کپ 2025 کے چھٹے میچ میں بھارت نے پاکستان کو جیت کے لیے 248 رنز کا ہدف دیدیا۔
کولمبو کے پریما داسااسٹیڈیم میں کھیلے جا رہے میچ میں پاکستان ویمن ٹیم کی کپتان فاطمہ ثنا نے ٹاس جیت کرپہلے بھارت کو بیٹنگ کی دعوت دی ، بھارتی ویمنز ٹیم مقررہ 50 اوورز میں 247 رنز بناکر آل آؤٹ ہوگئی ۔
بھارتی ٹیم کی طرف سے اننگز کی شروعات کرنے والی پراتیکا راول اور سمرتی مندھانا نے بالترتیب 31 اور 23 رنز بنائے جبکہ ہرلین دیول نے 46 رنز کی اننگز کھیلی ۔
مزید یہ بھی پڑھیں:کولمبو میں بارش، پاک بھارت ویمنز ورلڈ کپ میچ خطرے میں پڑ گیا
کپتان ہرمن پریت کور 19، جمیما روڈریگز 32، دیپتی شرما 25، سنہ رانا 20 اور وکٹ کیپر بیٹر رچا گھوش نے 35 رنز کی شاندار اننگز کھیلی ۔
قومی ویمنز ٹیم کی جانب سے ڈیانا بیگ نے 4 کھلاڑیوں کو آؤٹ کیا جبکہ سعدیہ اقبال ، فاطمہ ثنا نے 2،2 اور رامین شمیم ، نشرا سندھو کے حصے میں ایک ،ایک وکٹ آئی ۔
قبل ازیں ویمنز ورلڈ کپ میں بھی بھارت نے اپنی ہٹ دھرمی برقرار رکھتے ہوئے کھیل کی روح کے منافی اقدامات جاری رکھے ، ٹاس کے دوران بھارتی ٹیم کی کپتان ہرمن پریت کور نے پاکستانی کپتان فاطمہ ثناء سے ہاتھ نہیں ملائے ۔
مزید یہ بھی پڑھیں:ویمنز کرکٹ ورلڈ کپ پاکستان بمقابلہ بھارت :ٹاس جیت کر پاکستان نے فیلڈنگ کا فیصلہ کیا
دوسری جانب ویمنز کرکٹ ورلڈ کپ میں پاک بھارت میچ بارش سے متاثر ہونے کا خدشہ ہے ، میچ کے دوران بھی کبھی ہلکی اور کبھی تیز بارش کا امکان ہے ۔
یاد رہے کہ کولمبو میں گزشتہ روز بھی مسلسل بارش کا سلسلہ جاری رہا تھا جس کے باعث سری لنکا اور آسٹریلیا کے درمیان میچ ختم کر دیا گیا تھا ۔
