(کشمیر ڈیجیٹل)بنگلا دیش نے نصف صدی سے زائد عرصے بعد پہلی مرتبہ پاکستانی حکام کے لیے ویزا کی شرط ختم کر دی ہے۔ اس فیصلے کے بعد دونوں ممالک کے سفارتی اور سرکاری پاسپورٹ رکھنے والے افراد بغیر ویزا کے ایک دوسرے کے ملک کا سفر کر سکیں گے۔
غیر ملکی میڈیا کے مطابق نوبیل انعام یافتہ ڈاکٹر محمد یونس کی قیادت میں قائم بنگلا دیش کی عبوری حکومت نے باہمی ویزا استثنیٰ معاہدے کی منظوری دی۔ بنگلا دیش کے پریس سیکرٹری شفیق الاسلام نے ڈھاکا میں نیوز کانفرنس کے دوران بتایا کہ اس نوعیت کے معاہدے بنگلا دیش کے 31 دیگر ممالک کے ساتھ بھی موجود ہیں۔ نئے معاہدے کے تحت پاکستانی حکام کو بھی ویزا کے بغیر داخلے کی اجازت ملے گی اور یہ معاہدہ پانچ برس تک نافذ العمل رہے گا۔
یہ پیشرفت گزشتہ ماہ ڈھاکا میں اس وقت سامنے آئی جب بنگلا دیشی ہوم ایڈوائزر جہانگیر عالم چوہدری اور پاکستان کے وزیر داخلہ محسن نقوی کے درمیان ملاقات ہوئی۔ ملاقات میں دونوں ملکوں نے سرکاری پاسپورٹ رکھنے والے افراد کے لیے ویزا آن آرائیول کے معاہدے کو حتمی شکل دینے پر بھی اتفاق کیا تھا۔
یہ بھی پڑھیں: مظفرآباد میں اے ٹی ایم کے ذریعے شہریوں کو لوٹنے والا شخص گرفتار
