نیلم (کشمیر ڈیجیٹل نیوز) آزاد کشمیر کے علاقے نیلم ویلی میں جیپ گہری کھائی میں گرنے سے میاں بیوی سمیت ایک ہی خاندان کے 4 افراد جاں بحق ہو گئے ۔
المناک حادثہ جاگراں سیری سے گوریال جانے والی ایک مسافر جیپ کو پیش آیا جو سڑک کی خستہ حالی کے باعث بے قابو ہو کر کھائی میں جا گری ۔
ر یسکیو 1122 نیلم کے مطابق مسافر جیپ میں 8 افراد سوار تھے، جن میں سے 4 موقع پر چل بسے جبکہ 2بچوں سمیت 4 زخمی بھی ہوئے ہیں ۔
ریسکیو حکام نے بتایا کہ جاں بحق ہونے والوں کا تعلق ایک ہی خاندان بتایا جا رہا ہے ، جاں بحق ہونے والوں میں عالم اعوان، اہلیہ، سالی اور سالا شامل ہیں، نعشوں اور زخمیوں اکو ہسپتال کر دیا گیا ہے جہاں زخمیو ں کو طبی امداد فراہم کی جا رہی ہے ۔
ریسکیو حکام کا مزیدکہنا ہے کہ یہ افسوس ناک واقعہ سڑک کی خستہ حالی کی وجہ سے رونما ہوا جو علاقے میں بڑھتے ہوئے خطرناک حادثات کی ایک بڑی وجہ بنتی جا رہی ہے ۔
