پی ٹی اے

جعلی کورئیر کالز کا نیا حربہ! پی ٹی اے نے شہریوں کو او ٹی پی فراڈ سے خبردار کر دیا

ٹیکنالوجی / / By

پاکستان ٹیلی کمیونیکیشن اتھارٹی (پی ٹی اے) نے عوام کو خبردار کیا ہے کہ وہ او ٹی پی (One-Time Password) شیئر کرنے سے گریز کریں، کیونکہ حالیہ دنوں میں آن لائن دھوکہ دہی کے کیسز میں خطرناک اضافہ ہوا ہے۔

پی ٹی اے کے مطابق یہ فراڈکرنے والے خود کو کورئیر یا ڈیلیوری کمپنی کا نمائندہ ظاہر کر کے شہریوں کو فون یا میسیج کرتے ہیں اور کسی پارسل کی ڈیلیوری کے بہانے ان سے وہ او ٹی پی مانگتے ہیں جو صارفین کے فون پر موصول ہوتا ہے۔ اتھارٹی کا کہنا ہے کہ او ٹی پی دراصل صارف کے آن لائن اکاؤنٹس کی چابی ہوتا ہے اور اسے خفیہ رکھنا انتہائی ضروری ہے۔ شہریوں کو سختی سے ہدایت کی گئی ہے کہ کسی بھی شخص کے ساتھ او ٹی پی شیئر نہ کریں چاہے وہ کورئیر کمپنی کا نمائندہ ہونے کا دعویٰ کرے۔

پی ٹی اے نے واضح کیا کہ یہ فراڈ منظم نیٹ ورک کا حصہ ہے جس کا مقصد صارفین کے اکاؤنٹس تک رسائی حاصل کر کے مالی دھوکہ دہی اور ڈیٹا چوری کرنا ہے۔

یہ بھی پڑھیں: ایئر انڈیا فلائٹ 171: دونوں انجن کیسے بند ہوئے؟ ابتدائی رپورٹ جاری

عوام کو ہوشیار رہنے کی ہدایت:

پی ٹی اے نے عوام سے اپیل کی ہے کہ اگر کوئی مشتبہ کال یا او ٹی پی مانگنے کی کوشش ہو تو فوراً متعلقہ حکام کو اطلاع دیں۔ ترجمان کے مطابق دھوکے باز اب جدید طریقے اپنا رہے ہیں اور عوامی آگاہی ہی ان کے خلاف پہلی دفاعی دیوار ہے۔

Must Read

Scroll to Top