لاہور: بنگلادیش کے خلاف آئندہ ٹی ٹوئنٹی سیریز کے لیے پاکستان کرکٹ بورڈ نے 16 رکنی اسکواڈ کا اعلان کر دیا ہے۔ تینوں میچز لاہور میں کھیلے جائیں گے جبکہ شیڈول کا اعلان بعد میں کیا جائے گا۔
ٹی ٹوئنٹی اسکواڈ کی قیادت آغا سلمان کے سپرد کی گئی ہے، جبکہ شاداب خان نائب کپتان ہوں گے۔ اسکواڈ میں شامل دیگر کھلاڑیوں میں ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، محمد عرفان خان، خوشدل شاہ، محمد حارث (وکٹ کیپر)، محمد وسیم جونیئر، نسیم شاہ، صاحبزادہ فرحان (وکٹ کیپر) اور صائم ایوب شامل ہیں۔
چند نمایاں کھلاڑی اسکواڈ میں جگہ نہ بنا سکے جن میں شاہین شاہ آفریدی، عبدالصمد، جہانداد خان اور عباس آفریدی شامل ہیں۔ شاہین آفریدی اس سے قبل دورہ نیوزی لینڈ کے اسکواڈ کا حصہ تھے۔ اس کے علاوہ محمد علی، عمیر بن یوسف، سفیان مقیم اور عثمان خان کو بھی ٹیم سے ڈراپ کر دیا گیا ہے۔
یہ بھی پڑھیں: ٹرمپ کا امریکا میں جدید دفاعی ڈھال ’گولڈن ڈوم‘ لگانے کا فیصلہ
اس نئی ٹیم میں کچھ نوجوان چہروں کو موقع دیا گیا ہے جبکہ چند تجربہ کار کھلاڑیوں کو آرام دیا گیا ہے۔
