مظفرآباد: ایڈیشنل ڈپٹی کمشنر مظفرآباد کے دفتر کی جانب سے یکم مئی کے لیے زندہ مرغی، سبزیوں اور پھلوں کی نئی قیمتوں کا اعلان کر دیا گیا ہے۔ پرائس کنٹرولر کی جانب سے جاری کردہ سرکاری نرخ نامے کے مطابق اشیائے ضروریہ کی قیمتوں میں جزوی طور پر کمی کی گئی ہے تاکہ عوام کو ریلیف مل سکے۔
مرغی اور انڈوں کی نئی قیمتیں نئی قیمتوں کے مطابق، زندہ برائلر مرغی کی فی کلو قیمت 385 روپے، بریڈر مرغی کا گوشت 460 روپے فی کلو، اور دیسی مرغی کا گوشت 1050 روپے فی کلو طے کیا گیا ہے۔ گولڈن مرغی کی فی کلو قیمت 850 روپے مقرر کی گئی ہے۔
انڈوں کی قیمتیں بھی وزن کے اعتبار سے تقسیم کی گئی ہیں۔ 40 سے 50 گرام وزن والے انڈوں کی فی درجن قیمت 230 روپے، جبکہ 51 سے 65 گرام والے انڈوں کی قیمت 250 روپے فی درجن مقرر کی گئی ہے۔
سبزیوں کی قیمتوں میں تبدیلی سبزیوں کی قیمتوں میں بھی عوام کو کچھ ریلیف دیا گیا ہے۔ ٹماٹر 100 روپے فی کلو، آلو دیسی 70 روپے فی کلو، پیاز دیسی سرخ 60 روپے فی کلو، لہسن چائنا 410 روپے، لہسن دیسی 190 روپے، لہسن کوئٹہ 310 روپے، ادرک چائنا 490 روپے، ٹینڈے دیسی 70 روپے، کدو 90 روپے اور کریلہ 120 روپے فی کلو فروخت کیے جائیں گے۔
دیگر سبزیوں میں پالک گڈی 35 روپے، پالک دیسی 70 روپے فی کلو، مٹر 180 روپے، بھنڈی 210 روپے، کھیرا 90 روپے، پھول گوبھی 120 روپے، بندگوبھی 56 روپے، شملہ مرچ 130 روپے، گاجر 90 روپے اور بینگن گول 110 روپے فی کلو قیمت پر دستیاب ہوں گے۔
پھلوں کی نئی قیمتیں پھلوں کی قیمتوں میں بھی قابل ذکر تبدیلیاں کی گئی ہیں۔ کیلا 210 روپے فی درجن، سیب سفید 290 روپے، سیب ایرانی 440 روپے فی کلو، اسٹرابیری 210 روپے، امرود پنجاب 160 روپے، تربوز 80 روپے، شربوز 110 روپے، گرما 130 روپے اور خربوزہ پیلا 110 روپے فی کلو میں دستیاب ہوں گے۔ اس کے علاوہ خربوزہ سفید 110 روپے، کینو 310 روپے اور انگور 610 روپے فی کلو میں ملیں گے۔
حکومت کی جانب سے یہ قیمتیں عوام کی سہولت کے لیے فراہم کی جاتی ہیں، دکانداروں حضرات کو ہدایت ہے کہ لسٹ واضح جگہ پر چسپاں کریں۔
