مظفرآباد: ایڈیشنل ڈپٹی کمشنر مظفرآباد کے دفتر سے 15 اپریل کے لیے زندہ مرغی، سبزیوں، پھلوں اور دیگر روزمرہ استعمال کی اشیاء کی نئی قیمتوں کا اعلان کر دیا گیا ہے۔ پرائس کنٹرولر کی جانب سے جاری کردہ سرکاری نرخ نامے کے مطابق اشیائے ضروریہ کی قیمتوں میں استحکام برقرار رکھا گیا ہے۔
نوٹیفکیشن کے مطابق زندہ برائلر مرغی کی فی کلو قیمت 440 روپے مقرر کی گئی ہے۔ بریڈر مرغی کا گوشت 560 روپے فی کلو جبکہ دیسی مرغی کا گوشت 1050 روپے فی کلو طے کیا گیا ہے۔ گولڈن مرغی کی فی کلو قیمت 850 روپے مقرر کی گئی ہے۔
انڈوں کی قیمتوں میں بھی وزن کے اعتبار سے تقسیم کی گئی ہے۔ 40 سے 50 گرام وزن والے انڈوں کی فی درجن قیمت 220 روپے جبکہ 51 سے 65 گرام والے انڈوں کی قیمت 240 روپے فی درجن مقرر کی گئی ہے۔
عوامی ریلیف کے لیے جاری کردہ نرخ نامے میں سبزیوں کی قیمتیں بھی طے کی گئی ہیں۔ ٹماٹر 90 روپے، آلو دیسی 70 روپے، پیاز دیسی سرخ 70 روپے فی کلو فروخت کیے جائیں گے۔ لیموں چائنا 230 روپے، لہسن چائنا 510 روپے، لہسن دیسی 210 روپے، لہسن کوئٹہ 310 روپے، ادرک چائنا 460 روپے , ٹینڈے دیسی 60 روپے، کدو 90 روپےاور کریلہ 130 روپے فی کلو مقرر کیا گیا ہے۔
پالک 35 روپے، بھنڈی 170 روپے، مٹر 110 روپے، کھیرا 80 روپے،مولی 40 روپے، پھول گوبھی 60 روپے، گوبھی 60 روپے، شملہ مرچ 80 روپے، شلجم 70 روپے اور بینگن گول 90 روپے فی کلو قیمت پر دستیاب ہوں گے۔
پھلوں کی قیمتوں کی بات کی جائے تو کیلا 210 روپے فی درجن، سیب سفید 270 روپے، سیب ایرانی 440 روپے فی کلو، کینو 410 روپے فی درجن، اسٹرابیری 210 روپے، امرود پنجاب 160 روپے، تربوز 90 روپے، شربوز 150 روپے، انگور 610 روپے، گرما160 روپے اور خربوزہ پیلا 150 روپے فی کلو میں دستیاب ہوگا۔
